Snjóbretta- og Tónlistarhátíðin Ak Extreme fór fram um helgina sem var að líða og óhætt er að segja að það hafi verið trillt stemning alla helgina. Þegar menn voru ekki að renna sér á snjóbrettum, skíðum eða bruna um á snjósleðum þá var skellt sér á Sjallann en þar voru heljarinnar tónleikar og frábært line.
Emmsjé Gauti, Shades Of Reykjavík, Young Karin, Úlfur Úlfur og Agent Fresco er brot af því sem kom fram fyrir troðfullu húsi.
Sigurvegarinn í Gámastökkinu fræga, sem þurfti að færa yfir á sunnudag vegna veðurs var enginn annar en Eiríkur Helgason, Sigurvegari á skíðum var Jonni og á Vélsleða var Bjarki Sigurðsson sem tók gullið.
Aðstandendur Ak Extreme eiga svo sannarlega hrós skilið fyrir frábæra hátíð!
Einn efnilegasti snjóbrettakappi landsins Alexander Anucha Egilsson var á Ak Extreme alla helgina fyrir hönd Albumm.is og skellti hann í þetta glæsilega vídeó!
Ljósmyndirnar eru eftir Viðar Stefánsson.
Gjörið svo vel!
Umræðan