Eftir fjögur vel heppnuð kvöld að baki þar sem fjölbreytt tónlistarfólk hefur komið fram og spilað raftónlist, heldur Rafnæs göngu sinni áfram. Að þessu sinni verður Rafnæs #5 í stærri sniðum en áður. Að vana verður skemmtistaðurinn Paloma tekinn yfir og munu þar Sykur, Vök, Sísý Ey og Good Moon Deer þeyta skífum.
Rafnæs eru reglulegir viðburðir sem tengja saman ólíka hljóðheima undir hatti raftónlistar. Áður hafa dj. flugvél og geimskip, Samaris, Svartidauði, Sóley og fleiri þekktir tónlistarmenn komið fram, þeytt skífum og hreyft jafnt huga, hjörtu og líkama.
Rafnæs #5 verður haldið föstudaginn 8. apríl næstkomandi. Dagskrá kvöldsins hefst með upphitun kl. 23:00 og verður aðgöngueyrir litlar 500 kr. fyrir kl. 01:00 og eftir það 1000 kr.
Umræðan