Bræðurnir Markús og Birkir Bjarnasynir skipa hljómsveitina Omotrack en þeirra fyrsta plata er á næsta leiti. Drengirnir ólust upp í Eþíópíu, meðal annars á stað sem heitir Omo Rate en þaðan kemur hugmyndin að nafni hljómsveitarinnar. Erfitt er að skilgreina tónlistarstefnu Omotrack en heyrst hafa ýmsar tillögur t.d. eins og Raf-popp, Raf – Indie, Lo-fi raf-rokk og lengi mætti telja.
Fyrsta plata sveitarinnar er í vinnslu en hún ber nafnið Mono & Bright. Platan verður unnin á faglegan hátt og allt eru þetta frumsamin lög og textar eftir bræðurna.
Mikið af hæfilekaríku fólki kemur að plötunni og má þar helst nefna Grímu Katrínu Ólafsdóttur á trompet, Gunnar Kristinn Óskarsson á Trompet, Pétur Örn Jónsson á tenór saxófónn og Jónas Sturla Gíslason, hljóð og tæknimaður.
Með hverju lagi plötunnar mun fylgja grafískt listaverk þannig myndar þetta skemmtilega blöndu af myndlist og tónlist.
Verkefnið er farið af stað í samstarfi við Karolina Fund. Þar getur hver sem er keypt plötuna fyrirfram og þannig styrkt verkefnið.
https://www.youtube.com/watch?v=LYIMSNG6hEE
Umræðan