Raftónlistarkonan ÍRiiS sendi nýverið frá sér myndbandsbrot af því sem koma skal á væntanlegri EPplötu, en myndbandið var tekið upp á tónleikum í Reykjavík af spænsku listakonunni Söra G. Amo.
„Hjóðheimur verkefnisins ÍRiiS hefur verið í stöðugri þróun en nú loks finnst mér ég vera komin að þeim jaðri sem mig langar að búa við,“ útskýrir hún. „Með tónlistina í forgrunni, skiptir miklu máli að finna sviðsneistann á hverjum einustu tónleikum, svo úr verði eitthvað satt og eitthvað berskjaldað. Þá fyrst getur það orðið áhugavert, að mínu mati, og ég leitast stöðugt við að opna þær víddir.“
EP-platan hennar er væntanleg bráðlega en fram að því mun hún senda frá sér nokkur tónbrot og annað skemmtilegt efni. ÍRiiS mun koma fram á Secret Solstice-hátíðinni sem hefst í dag og einnig mun hún koma fram á Glastonbury Festival með hljómsveitarsystrum sínum í Grúsku babúsku.
