Hafnfirska hljómsveitin Milkhouse var að gefa út nýtt lag sem ber heitið „Gleymérei”. Milkhouse var valin Hljómsveit fólksins á úrslitakvöldi Músiktilrauna 2014 og síðan þá hefur hún verið önnum kafin við að vinna í nýju efni, en þau gáfu m.a. út tónlistarmyndband við fyrstu smáskífuna sína, Hunang, í maí. Hljómsveitin spilaði víðs vegar um höfuðborgarsvæðið í sumar auk þess að hafa tekið upp í Stúdíó Sýrlandi en þessa dagana fer hljóðblöndun á því efni fram í Stúdíó Hljómi hjá Kristjáni Haraldssyni.
Milkhouse ætlar ekki að láta Iceland Airwaves hátíðina fram hjá sér fara, en þau spila á hvorki meira né minna en tíu off-venue tónleikum á hátíðinni. Næstu vikur og mánuði munu síðan fara í áframhaldandi vinnslu á bæði nýjum lögum sem og tónlistarmyndböndum. Spennandi verður að fylgjast með þessari ungu hljómsveit og sjá hvað framtíð þeirra ber í skauti sér.
Þau munu spila á eftirfarandi tónleikum þetta Airwaves árið:
5. Nóv
Backpacker Reykjavík – 17:00
Eymundsson Austurstræti – 19:00
6. Nóv
Bíó Paradís kl – 13:00
Salvation Army Guesthouse – 18:00
7. Nóv
Loft Hostel – 16:00
Hressó – 18:00
Hitt Húsið – 18:45
Lucky Records – 19:30
8. Nóv
Bus Hostel – 16:00
SKY – 17:15
Umræðan