Lofað er klikkuðu stuði á skemmtistaðnum Húrra í kvöld enda ekki annað hægt þegar hljómsveitin Mammút kemur fram ásamt hljómsveitinni X Heart.
Mammút hefur verið talsvert á faraldsfæti að undanförnu en spilar nú á klakanum og mun hún flytja landanum ný, ókláruð og áður óspiluð lög rétt áður en sveitin fer með efnið inn í hljóðver.
Hægt er að kaupa miða á Tix.is eða við hurð og kostar miðinn 2.000 kr.
Umræðan