Raftónlistarmaðurinn Davíð Hólm Júlíusson eða Daveeth eins og hann kallar sig var að senda frá sér glænýtt lag og myndband sem ber heitið „Feeling Love.” Daveeth hefur verið ansi áberandi í íslensku raftónlistarsenunni en hann sendi frá sér plötuna Mono Lisa árið 2015.
„Feeling Love” er hreint út sagt frábært en það má vel setja það í svokallaðann Acid flokk! Synthinn Roland TB-303 fær að njóta sín í laginu en hvert mannsbarn sem hefur áhuga á góðri tónlist og fönkí laglínum ættu sko ekki að láta þetta framhjá sér fara!
Myndbandið gefur frá sér góða strauma, sumar og næsheit sem smellpassar laginu á fönkí hátt. Skellið á play, hér er konfekt fyrir bæði eyru og augu! Það eru Þorgerður Anna Björnsdóttir og Davíð Hólm Júlíusson sem eiga heiðurinn af myndbandinu en Möller Records gefur lagið út.
Umræðan