Hljómsveitin Kajak sendi í dag frá sér sína fyrstu plötu en hún ber nafnið Children Of The Sun. Hreinn Elíasson og Sigurmon Hartmann Sigurðsson skipa hljómsveitina Kajak en tónlist þerra má lísa sem elektrónísku gáfumanna poppi. Drengirnir hafa verið iðnir við tónlistarsköpun og hafa þeir gert t.d. tónlist við fyrstu Íslensku 4k kvikmyndina og norðurljósa myndina Iceland Aurora svo fátt sé nefnt. Miklir hæfileikamenn hér á ferð og Þeirra fyrsta plata er virkilega vel heppnuð.
Hreinn og Sigurmon svöruðu nokkrum spurningum fyrir Albumm.is
Hvað var platan lengi í vinnslu?
Sigurmon: Upphaflega planið var að gefa út breiðskífu en við ákváðum að fara í aðra átt og gefa út 3 laga EP plötu í staðinn.
Hreinn: Lögin eru búin að vera að malla í dágóðan tíma og Children of the Sun er fyrsta EP platan okkar. Þetta eru mjög spennandi tímar fyrir plötuútgáfur, það er allt leyfilegt.
Hvernig mynduð þið lýsa tónlist ykkar?
Hreinn: Moldarpopp með frumbyggjaívafi
Sigurmon: Jörð, mold og rætur.
Hvað hefur Kajak verið lengi starfandi?
Hreinn: Við ólumst upp í tónlist saman þannig að samstarfið fer langt aftur í tímann, en “Kajak” stofnuðum við 2013. Með Kajak fundum við okkar sameiginlegu rödd og þann hljóðheim sem okkur langaði að vinna með.
Sigurmon: Hreinn kenndi mér á gítar þegar ég var unglingur og það leið ekki langur tími þangað til við vorum farnir að semja saman. Eftir 10 ár og 10 mismunandi tónlistarstefnur þá kom þetta saman.
Á að fylgja plötunni eftir með tónleikahaldi?
Hreinn: Heldur betur og við erum þvílíkt spenntir fyrir þvi. Tónleikarnir verða með öðruvísi sniði en við höfum áður gert. Það er skemmtileg áskorun að vera pródúser duo og búa til live show þar sem allt má.
Sigurmon: Þetta verður andleg heilun í gegnum dans þar sem fólk kemst í snertingu við sinn innri frumbyggja.
Fylgist með Kajak á:
https://www.instagram.com/kajakmusic/
https://soundcloud.com/congo-bongo-records/sets/children-of-the-sun/s-xfU2R
