GlerAkur er sólóverkefni Elvars Geirs Sævarssonar sem starfar sem hljóðmaður og hljóðhönnuður við Þjóðleikhúsið. Elvar hannaði hljóðmynd og samdi tónlistina fyrir leikritið Halla og Fjalla-Eyvindur sem sýnt var á stóra sviði leikhússins árið 2015. Þegar lag úr sýningunni var spilað á Rás 2 vildi svo til að útsendari útgáfunnar var að streyma beina útsendingu frá Þýskalandi. Í kjölfarið bauð útgáfan plötusamning en á fyrstu plötu GlerAkurs verður að finna tónlist úr leikritinu.
Tónlist GlerAkurs má lýsa sem blöndu af ambient-tónlist, póst-rokki, svartmálmi og tilrauna-drónum. Prophecy Productions var stofnað árið 1996 og kemur plata GlerAkurs því út á 20 ára afmæli fyrrtækisins.
Elvar, sem er einn stofnmeðlima hljómsveitarinnar Hellvar, hefur nú ráðið liðsmenn úr hljómsveitunum Ham, Hellvar og Kippa Kaninus, auk meðlima hljóðdeildar Þjóðleikhússins til þess að koma fram á tónlistarhátíðinni Prophecy Fest sem haldin verður í Þýskalandi um Verslunarmannahelgina. Fyrirhugaðir eru upphitunartónleikar í Reykjavík á næstu mánuðum, en hljómsveitin er einnig bókuð á þungarsokkshátíðina Eistnaflug um miðjan júlí.
Fyrsta smáskífa, sem ber nafnið Can’t You Wait, kom út í lok síðustu viku en hægt er að hlusta á lagið hér:
Umræðan