það var heldur betur stuð í innanhús hjólabrettaaðstöðunni í Hafnarfirði um helgina en það hefur eflaust ekki farið framhjá neinum að Halloween var var um helgina. Brettafélag Hafnarfjarðar stóð fyrir Halloween gleði alla helgina en það voru hjólabrettin sem réðu ríkjum á laugardeginum og BMX á sunnudeginum.
Ljósmyndir: Leon S. Kemp
Krakkar og foreldrar byrjuðu að tínast inn í húsið uppúr hádegi en þar mátti sjá beinagrindur, leðurblökur og súpermann svo fátt sé nefnt. Fram fóru tvær keppnir þennan dag en Frá kl 12:00 til 15:00 var áherslan lögð á yngri kynslóðina, tíu ára og yngri og frá kl 15:00 til 18:00 var áherslan lögð á þá eldri.
Einnig var keppt í stelpuflokk og það var virkilega gaman að sjá hvað margar stelpur tóku þátt en þær eru heldur betur að koma sterkar inn.
Á sunnudeginum var það BMX sem réð ríkjum, mætingin var virkilega frábær og gaman að sjá hvað margir mættu í búningum. BMX er orðið virkilega vinsælt á Íslandi og fer ört stækkandi.
Heljarinnar BMX Bingo fór fram á sunnudeginum við frábærar undirtektir en hægt var að vinna glæsilegan varning.
um hundrað og fimmtíu manns var í húsinu þegar mest var og á Brettafélag Hafnarfjarðar hrós skilið fyrir vel unnið starf og innanhúsaaðstaðan er til fyrirmyndar!
Hjólabretti, BMX, Grill, Tónlist og gott fólk einkenndi helgina hjá Brettafélagi Hafnarfjarðar og það má segja að hver og einn hafi verið með bros á vör og skemmt sér konunglega.
Umræðan