Kraumsverðlaunin, plötuverðlaun Kraums, verða afhent í áttunda sinn í ár. Venju samkvæmt þá birtir Kraumur úrvalslista verðlaunanna, Kraumslistann, í byrjun desember yfir þau verk sem þykja hafa skarað framúr í íslenskri tónlist á árinu. Kraumsverðlaunin sjálf verða svo afhent síðar í mánuðinum.
Kraumslistanum og Kraumsverðlaununum er ætlað að kynna og styðja við plötuútgáfu íslenskra listamanna og hljómsveita með því að verðlauna og vekja sérstaka athygli á því sem er nýtt og spennandi – og þeim verkum sem þykja skara fram úr í gæðum, metnaði og frumleika. Verðlaunin eru ekki bundinn neinni ákveðinni tónlistarstefnu og þeim fylgja engir undirflokkar.
Allar íslenskar plötur sem komið hafa út á árinu eiga möguleika á að komast á Kraumslistann og hreppa Kraumsverðlaunin. Bæði plötur sem eru gefnar út á geisladisk og/eða vínyl, sem og útgáfur á netinu. Útgáfustarfsemi á netinu hefur færst mikið í vöxt og í ár eru fjölmargar íslenskar hljómplötur sem aðeins koma út með þeim hætti, þó langflestar plötur Kraumslistans séu einnig fáanlegar á geisladisk og í mörgum tilvikum einnig á vínyl.
Það er von aðstandenda Kraumsverðlaunanna að Kraumslistinn og verðlaunin veki athygli á þeirri grósku og fjölbreytni sem einkennir íslenskt tónlistarlíf og plötuútgáfu. Tímasetning tilnefninga og úthlutunar Kraumsverðlaunanna er engin tilviljun og miðuð við jólagjafaflóðið, þegar tónistarlistamenn reiða sig hvað mest á plötusölu og ætla má að sóknarfæri séu fyrir íslenska tónlist að rata í fleiri jólapakkana, enda er tónlist góð og sígild jólagjöf.
Kraumslistinn 2015, úrvalslisti Kraumsverðlaunanna, er eftirfarandi:
asdfgh – Steingervingur
[bandcamp width=350 height=350 album=4208584335 size=large bgcol=333333 linkcol=e99708 minimal=true]
Dj flugvél og geimskip – Nótt á hafsbotni
[bandcamp width=350 height=350 album=2499073230 size=large bgcol=333333 linkcol=e99708 minimal=true]
Dulvitund – Lífsins þungu spor
[bandcamp width=350 height=350 album=435189353 size=large bgcol=333333 linkcol=e99708 minimal=true]
Fufanu – A Few More Days To Go
Gísli Pálmi – Gísli Pálmi
Gunnar Jónsson Collider – Apeshedder
[bandcamp width=350 height=350 album=1708381458 size=large bgcol=333333 linkcol=e99708 minimal=true]
Jón Ólafsson & Futuregrapher – Eitt
[bandcamp width=350 height=350 album=440446673 size=large bgcol=333333 linkcol=e99708 minimal=true]
Kristín Anna Valtýsdóttir – Howl
Lord Pusswhip – is wack
[bandcamp width=350 height=350 album=449609862 size=large bgcol=333333 linkcol=e99708 minimal=true]
Misþyrming – Söngvar elds og óreiðu
[bandcamp width=350 height=350 album=2158092846 size=large bgcol=333333 linkcol=e99708 minimal=true]
Mr Silla – Mr Silla
Muck – Your Joyous Future
[bandcamp width=350 height=350 album=2089868798 size=large bgcol=333333 linkcol=e99708 minimal=true]
Myrra Rós – One Amongst
[bandcamp width=350 height=350 album=3100646655 size=large bgcol=333333 linkcol=e99708 minimal=true]
Nordic Affect – Clockworking
Ozy – Distant Present
President Bongo – Serengeti
Sóley – Ask The Deep
[bandcamp width=350 height=350 album=4178642246 size=large bgcol=333333 linkcol=e99708 minimal=true]
Teitur Magnússon – 27
Tonik Ensemble – Snapshots
[bandcamp width=350 height=350 album=1032985799 size=large bgcol=333333 linkcol=e99708 minimal=true]
TSS – Meaningless Songs
[bandcamp width=350 height=350 album=2632104293 size=large bgcol=333333 linkcol=e99708 minimal=true]
Vaginaboys – Icelandick
https://soundcloud.com/vaginaboys/sets/icelandick
Kraumslistinn, úrvalslisti Kraumsverðlaunanna, er valin af fimmtán manna dómnefnd, svokölluðu öldungarráði, sem skipað er fólki sem hefur margvíslega reynslu af því að fjalla um, spila og vinna með íslenska tónlist. Ráðið skipa: Árni Matthíasson (formaður), Alexandra Kjeld, Arndís Björk Ásgeirsdóttir, Arnar Eggert Thoroddsen, Andrea Jónsdóttir, Benedikt Reynisson, Elísabet Indra Ragnarsdóttir, Heiða Eiríksdóttir, Helga Þórey Jónsdóttir, Hildur Maral Hamíðsdóttir, Jóhann Ágúst Jóhannsson, María Lilja Þrastardóttir, Matthías Már Magnússon, Óli Dóri og Trausti Júlíusson.
Ráðið fór yfir hátt í annað hundrað hljómplatna sem komið hafa út á árinu. Stærri dómnefnd hefur nú hafið störf og sér um að velja 6 plötur af Kraumslistanum sem verðlauna skal sérstaklega og hljóta munu Kraumsverðlaunin.
Kraumsverðlaunin hafa verið afhent árlega frá árinu 2008. Alls hafa um 34 íslenskar hljómsveitir og listamenn hlotið verðlaunin, má þar nefna; Ásgeir, Mammút, Anna Þorvaldsdóttir, Hjaltalín, Retro Stefson, Hildur Guðnadóttir, Daníel Bjarnason, Cell 7, Sóley, Lay Low, ADHD, Ojba Rasta, FM Belfast, Hugi Guðmundsson, Agent Fresco, Samaris, Moses Hightower, Grísalappalísa, Helgi Hrafn Jónsson, Anna Guðný Guðmundsdóttir, Gunnar Andreas Kristinsson, Sin Fang, Ísafold kammersveit og Ólöf Arnalds.
Kraumsverðlaunin snúast ekki um eina ákveðna verðlaunaplötu heldur aðreyna beina kastljósinu að Kraumslistanum í heild sinni og síðan að velja og verðlauna sérstaklega sex hljómplötur sem hljóta Kraumsverðlaunin. Kraumur mun styðja við verðlaunaplöturnar og reyna auka möguleika listamannanna bakvið þær til að koma verkum sínum á framfæri erlendis með því að kaupa ákveðinn fjölda af plötunum af tónlistarfólkinu eða útgefendum þeirra og dreifa til ýmissa starfsmanna tónlistarbransans, m.a. í samstarfi við aðila og tengiliði hérlendis.
Aðstandandi Kraumslistans er Kraumur tónlistarsjóður sem er sjálfstætt starfandi sjóður á vegum Auroru velgerðarsjóðs. Kraumur hefur það að meginhlutverki að efla íslenskt tónlistarlíf, fyrst og fremst með stuðningi við unga listamenn, auðvelda þeim að vinna að listsköpun sinni og koma verkum sínum á framfæri innanlands sem utan.
Umræðan